Çfarë është Vrojtimi Omnibus?
Vrojtimi Omnibus është një mënyrë vrojtimi i popullatës kur kërkon një informacion të shpejtë dhe me kosto të ulët në lidhje me opinionet, tregun, produktet apo shërbimet, etj. Vrojtimi drejtohet duke përdorur një pyetësor i cili përmban rreth 8 pyetje kategorizuese për të intervistuarin, ndërsa pjesa tjetër e pyetësorit rezervohet nga kompanitë ose institucionet për pyetjet e tyre specifike.

Në këtë mënyrë, vrojtimi Omnibus është një mundësi për kompani apo institucionet për të rezervuar pyetjet e tyre, pa patur nevojën që të organizojnë një kërkim tregu apo sondazh opinioni të plotë, i cili do t’u kushtonte më shumë.

IDRA Kërkim realizon periodikisht “Omnibus Albania” me 1,000 familje në të gjithë Shqipërinë (duke bërë përzgjedhje rastësore).Për më shumë informacion rreth metodologjisë së përzgjedhjes së shembullit, klikoni këtu

Duke qënë se kryhet çdo muaj, ky vrojtim me kampion kombëtar është një mënyrë e mirë për kompaninë apo institucionin tuaj për të marrë informacion në mënyrë periodike mbi ecurinë e produktit, shërbimit apo efektin e reklamës, përveç shumë informacioneve të tjera si:

• Profilet e përdoruesve të produkteve ose shërbimeve
• Nivelin e informimit mbi një produkt apo shërbim
• Imazhin e një kompanie apo institucioni
• Faktorët në përzgjedhjen e një produkti apo shërbimi
• Qëndrimin e konsumatorit për produktet dhe shërbimet
• Dhe shumë informacione të tjera sipas nevojave të klientit …..

Të gjitha pyetjet e rezervuara dhe përgjigjet e tyre janë e drejtë ekskluzive e kompanisë ose institucionit që i rezervon ato.

Metoda e vrojtimit është ajo e intervistës ballë për ballë, bazuar në përzgjedhjen rastësore të familjeve duke përdorur metodogjinë e Rrugës Rastësore (dera e tretë, personi me ditëlindjen më të afërt). Metoda siguron përfaqësimin e saktë të shembullit. Gjithashtu, kontrolli kryhet edhe me kuotat e përfaqësimit.

Rezultatet, të paraqitura përmes grafikëve dhe një raporti, ju do t’i keni në një kohë të shkurtë dhe me cilësi (brenda 4 javësh nga data e nisjes së vrojtimit). Rezultatet për pyetjet tuaja të rezervuara kryqëzohen me 8 pyetjet bazë. Duke shfrytëzuar periodicitetin e “Omnibus Albania”, ju mund të gjykoni mbi rezultatet e strategjive tuaja të marketingut, mbi produktet apo shërbimet.

Shfrytëzojeni këtë mundësi për të njohur opinionin publik mbi tregjet, produktet ose shërbimet, markën, efektet e reklamës, etj., të cilat ju mundësojnë të merrni vendime të informuara për biznesin apo institucionin tuaj.

NA KONTAKTONI TANI

---