IDRA Research & Consulting është një kompani shqiptare e specializuar në fushën e kërkimeve të tregut dhe këshillimit të biznesit. Kompania ka filluar aktivitetin e saj në vitin 2000 si një njësi kërkimore pranë Institutit për Kërkime dhe Alternativa Zhvillimi, një nga institutet kërkimore shqiptare më të njohura. Më vonë ajo mori statusin e një kompanie (sh.p.k.). Ajo ende vazhdon t´i shërbejë Institutit në studimet social-ekonomike që ai realizon. Gjatë këtyre viteve IDRA është bërë e njohur si një nga agjencitë kryesore të kërkimit në Shqipëri. IDRA është antare e Shoqatës Europiane të Profesionistëve në Kërkimet Marketing dhe Opinioneve (ESOMAR), dhe i qëndron bindshëm kodeve dhe standardeve të saj.

IDRA përbëhet nga dy departamente operacionale që mbështesin dhe ndihmojnë njëri-tjetin:

• IDRA Research
  ... ofron një llojshmëri dhe cilësi të lartë shërbimesh të kërkimit të tregut, si sasiore ashtu edhe cilësore, për klientë privat dhe institucionalë. Metodat e përdorura përfshijnë intervistat ballë për ballë, CATI, CAWI, grupe të fokusuara, intervista në thellësi, testim produktesh, etj. IDRA ka më shumë se 250 intervistues që mbulojnë të gjithë territorin e Shqipërisë. Gjithashtu, ajo zotëron të gjitha pajisjet dhe ambjentet e nevojshme për realizimin e grupeve të fokusuara. Mjaft kompani të rëndësishme në treg përdorin shërbimet e IDRA Kërkim.



• IDRA Consulting
  ... ofron një seri shërbimesh konsulence në fushat e: i) Konsulencë mbi Çështje të Zhvillimit, ii) Analizë të Konkurueshmërisë, iii) Analizë e Përgjithshme e Ekonomisë dhe Sektoriale (Analiza të Industrisë), iv) Strategji Marketingu, v) Shërbime të Teknologjisë së Informacionit dhe Komunikimit për bizneset, etj. IDRA Konsulencë ka asistuar një numër kompanish private apo institucione. IDRA Konsulencë publikon në mënyrë periodike disa raporte si Analiza të Industrisë, Tregu i Banesave në Shqipëri, Zhvillimi i Teknologjisë së Informacionit dhe Komunikimit në vend, etj.

Kombinimi i përvojës, profesionalizmit, mendimit novator dhe pasionit e bëjnë IDRA-n partneren unike të projekteve tuaja.